Nakaangkon ug samad pinusilan ang usa ka 57-anyos nga panday human sa Purok 2, Central Poblacion, Kalilangan, Bukidnon niadtong Marso 17, 2026, alas 10:06 sa buntag, gumikan sa usa ka dugay na nga personal nga panaglalis.
Base sa imbestigasyon sa kapulisan sa Kalilangan MPS ubos sa pagpanguna ni PCPT Teresita L. Manejero, misulay matod pa og atake ang biktima gamit ang usa ka bolo, apan daling mibalos ang suspek pinaagi sa pagpusil gamit ang usa ka .38 revolver nga miigo sa dughan ug likod sa biktima, kinsa anaa na karon sa kritikal nga kahimtang sa ospital.
Pinaagi sa usa ka hot pursuit operation didto sa Sitio Kimbaroy, Barangay Kinura, malampusong nadakpan ang suspek diin narekober gikan kaniya ang gigamit nga armas, upat ka bala, duha ka basiyo, ug usa ka sling bag, samtang giandam na karun ang tukmang kaso batok kaniya.