Gipagawas na sa Korte Suprema (SC) karong adlawa ang resulta sa 2025 Bar Examinations, diin 5,594 sa 11,425 ka mga examinees ang nakapasar og 48.96% ang passing rate.
Nanguna sa mga bag-ong abogado si Jhenroniel Rhey Sanchez gikan sa University of the Philippines nga nakakuha og 92.70% nga average grade.
Gidumala ni Associate Justice Amy Lazaro-Javier, Chairperson sa Bar Exams Committee, ang pag-abli sa mga resulta atol sa en banc session sa Korte Suprema.
Gipahigayon ang maong exam niadtong Septyembre 2025 sa nagkalain-laing regional testing centers gamit ang digital platform nga Examplify, nga nagtumong sa paghimo sa proseso nga mas sayon ug mas luwas.
Giisip kini nga makasaysayanon tungod kay kini ang adunay pinakadaghang ihap sa mga nakapasar sa kasaysayan sa Bar nga niabot sa kapin 11,000 ka mga examinees.
Dungan sa listahan sa mga nakapasa, gipagawas usab ang listahan sa mga topnotchers ug ang mga top performing law schools.
Ang mga bag-ong abogado gilauman nga muagi sa clearance process ug mupahigayon sa ilang opisyal nga panumpa sa umaabot nga mga semana.