Dili moubos sa 51 ka tawo ang namatay human nga gi-ataki sa Israel ang usa ka elementary girls’ school sa Minab, sa lalawigan sa Hormozgan sa habagatan sa Iran, sumala sa ulat sa state media.
Base sa mga report sa Iranian state media, milapas na sa 40 ang kumpirmadong namatay sa maong pag-atake nga giisip nga “civilian target.”
Gawas niini, gikataho usab sa usa ka ahensya nga duha pa ka estudyante ang namatay sa laing Israeli strike nga niigo sa usa ka eskwelahan sa Tehran.
Sumala sa usa ka media, ang pag-atake sa tunghaan sa mga batang babaye mahimo’g magdani og mas dako nga kontrobersiya batok sa pambomba sa Israel ug sa U.S.
Nagsaad usab si U.S. President Donald Trump og tabang para sa katawhan sa Iran, apan ang pagtaas sa ihap sa sibilyan nga namatay mahimong gamiton sa gobyerno sa Iran isip paglapas sa international law ug usa ka agresyon batok sa ilang katawhan.
Samtang, sumala sa Ministry of Health and Medical Education sa Iran, liboan ka mga sibilyan na ang namatay ug nasamdan samtang nasamok usab ang pipila ka pampublikong imprastruktura sulod sa 12 ka adlaw nga gubat tali sa Amerika ug Israel batok sa Iran niadtong Hunyo 2025.