Kapin 5,000 na ka aftershocks ang natala sa Philippine Institute of Volcanology and Seismology kon (PHIVOLCS) sa mga lugar sa Cebu human natigayon ang 6.9 magnitude nga linog.
Gumikan niini giawhag sa maong ahensya ang publiko nga mag-obserbar ug hingpit nga mag-amping bisan pa og normal nang paminawon ang mga nasinatiang aftershocks.
Matud pa sa ahensya nga posibleng mangaguba o mahugno ang mga istruktura sa mga pag-uyog bisan pa nga dili kaayo mabati ang paglihok.
Gidapit ang katawhan nga dili magkumpiyansa sa mga building o bisan unsang matang sa istruktura nga adunay tsansang maguba ilabi na kung dili lig-on ang pundasyon niini, lakip na kadtong naigo mismo sa linog apan wala dayon nahugmak.
Base sa datos nga natala sa ahensya sa Phivolcs anaa na sa 5,000 ka higayon sa aftershocks ang namatikdan. Dugang pa niini, ang gikusgon sa mga aftershocks nga nasinati, gibana-banaang anaa sa magnitude 1 hangtod sa magnitude 5.1.
Gilauman usab nga padayon kining masinatiaan hangtod sa sunod nga Domingo ning bulan sa Oktubre.
Kini ang gibutyag ug gipasabot ni Director Teresa to Bacolcol sa Philippine Institute of Volcanology and Seismology.
Gilauman usab nga magpagawas og resulta nag ahensya kalabot sa mga nakaplagang kalihukan sa maong insidente, sama sa mga enerhiya o ang makusog nga pagtay-og sa Sentral Visayas.
Tumong sa ipahigayon pagtuon mao ang pagsusi sa mga intervals sa pagtay-og nga gituohang nagikan sa usa ka faultline, mao kini ang dugang pamahayag ni Director Teresito Bacolcol. Â