500 ka indibidwal gi-aresto sa Iran tungod sa pagpangispiya alang sa Israel

Gikumpirma ni Ahmadreza Radan, ang hepe sa kapulisan sa Iran, ang pagdakop sa 500 ka indibidwal nga giingong naghatag og sensitibong impormasyon ngadto sa Israel taliwala sa nagpadayong kagubot sa rehiyon.

Sumala ni Radan, katunga sa mga nadakpan nalambigit sa seryosong mga kaso sama sa pagbutyag sa lokasyon sa mga target ug pagpadala og footage sa mga dapit nga naigo sa air strike.

Lakip sa mga nadakpan  mao ang 20 ka tawo nga nakuhaan og impormasyon bahin sa military ug security assets sa Iran, ingon man ang 10 ka indibidwal sa amihanan-sidlakang bahin sa nasud nga nakuhaan og footage sa mga sensitibong imprastraktura.

Sa Lorestan province, tulo usab ka tawo ang nasikop tungod sa pagpasiugda og kagubot sama sa pagpanunog.