Boluntaryong mitahan balik sa sabakan sa gobyerno ang lima (5) ka laing miyembro sa walhong grupo, mas nailhan nga Milisya ng Bayan.
Lakip sa mga gisurender ang duha ka armas, usa ka carbine ug usa ka hinimog-binuhat nga shotgun uban ang mga bala.
Ang mga misurender mao sila Alias Sensio, 22 anyos, ulitawo nga adunay live-in partner, mag-uuma ug residente sa maong lugar, si Alias Jeny, 20 anyos, si Alias Ing, 76 anyos, si Alias CWL, 51 anyos, lalaki, minyo, mag-uuma ug residente sa Purok-6, Barangay Indalasa, Malaybalay City, Bukidnon, Alias Nori, 46 anyos, babaye, minyo, mag-uuma ug residente usab sa Purok-6, Barangay Indalasa, Malaybalay City, Bukidnon.
Natigayon ang maong boluntaryong pagsurender subay sa gipahigayon nga intelligence-driven operation sa Bukidnon 2nd PMFC, uban sa law enforcement ug military units, sa Barangay Pinamaloy, Don Carlos, Bukidnon niadtong Disyembre 28, 2025 alas 12:30 sa udto.
Ang opersayon gipanguluhan ni PMAJ JESSIE JAMES M LASDOCE, Acting Force Commander sa Bukidnon 2nd PMFC uban ang DI-MAPIO, Don Carlos MPS, RIU 10, 1003rd Coy, RMFB 10, ug Malaybalay City Police Station.
Ang lima ka misurender giila nga Milisya ng Bayan sa nabungkag nga walhong grupo ug boluntaryong mitahan isip Friend Rescued.
Sa pagkakaron, anaa kini sa kustodiya sa Bukidnon 2nd PMFC alang sa debriefing ug profiling, samtang ang mga armas nga nakuha giturn-over na alang sa hustong dokumentasyon ug disposisyon.