44-anyos nga drayber, patay human maaksidente sa  Quezon, Bukidnon

Patay ang usa ka 44-anyos nga drayber human malambigit sa usa ka vehicular accident kagahapong adlawa takna alas 9:40 sa gabii sa National Highway, Balangay 3, Poblacion, Quezon, Bukidnon.

Base sa report, ang biktima nagmaneho sa usa ka itom nga motorsiklo nga walay plaka sa dihang nahitabo ang insidente.

Subay sa imbestigasyon, kusog ang dagan sa maong motor sa dihang kalit kini nga mibangga sa shoulder sa pikas lane, diin gituohang ubos usab sa ilimnong makahubog ang drayber niadtong higayona.

Tungod sa grabeng samad nga naangkon sa biktima, gidala pa kini sa balay tambalanan apan wala na maluwas ang iyang kinabuhi, samtang ang motorsiklo anaa na karon sa kustodiya sa Quezon MPS alang sa tukmang disposisyon.