Sa usa ka talagsaong pagpakita sa disiplina ug teamwork, malampusong nakuha sa liboan ka estudyante sa India ang Guinness World Records alang sa titulong “longest chain of people licking ice cream.”
Nahitabo ang makasaysayang kalihokan niadtong Enero 21 sa RK Convention Centre sa Chennai.
Ang maong event gipangulohan sa Hatsun Agro Products Limited ug Arun Ice Creams. Mikabat sa 4,008 ka mga estudyante nga nag-edad og 10 hangtod 13 ka tuig gikan sa walo ka lain-laing eskwelahan ang mosalmot sa maong kalihokan.
Nalabwan niini ang miaging record nga gihuptan sa Morelli’s Ice Cream sa United Kingdom sulod sa 15 ka tuig. Dili sayon ang preparasyon tungod kay kinahanglang pugngan sa mga bata ang ilang kaugalingon nga mokaon dayon sa ice cream samtang naghulat sa signal.
Sa paghatag sa go-signal, gamit ang ilang tuo nga kamot, gipasa nila ang ice cream cone sa ilang tapad ug dungan kining gidilaan sulod sa usa ka minuto samtang nag-linya sa duha ka taas nga kadena.
Sa wala pa ang opisyal nga attempt, miagi ang mga estudyante sa instructional video ug practice rounds aron masiguro ang pagsunod sa mga lagda, ug sa katapusan nakuha nila ang titulo, matam-is nga kasinatian, ug libreng ice cream.