Nasakmit sa mga otoridad ang kinatibuk-ang 40 ka reams sa nagkadaiyang brand sa smuggled nga sigarilyo atol sa gihimo nga hiniusang operasyon niadtong milabayng adlaw sa Farmers Market, Barangay Poblacion, Valencia City.
Kini miresulta usab sa pagkasikop sa ang ka lalaki, nag-edad og 40 ug 56 anyos, samtang namaligya sa maong mga kontrabando ngadto sa nagkalain-laing tindahan.
Ang unang dinakpan nakuhaan og 23 ka reams sa United, Vess, ug D&B nga brand nga mokantidad og Php18,400.00.
Samtang ang ikaduhang suspek nakuhaan usab og 17 ka reams nga mokabat sa kantidad nga Php13,600.00.
Nasuta nga ang maong mga sigarilyo walay Government Health warning sticker nga timaan sa ilegal nga pagsulod niini sa merkado.
Ang maong operasyon gilusad sa Valencia City Police Station uban ang koordinasyon sa Provincial Intelligence Unit ug uban pang mga yunit.
Ang mga dinakpan ug ang mga ebidensya gitugyan na sa City Economics Enterprises sa Valencia City diin giisyuhan sila og pasidaan isip mga unauthorized ambulant vendor.