Nakatala ang Bureau of Fire Protection (BFP) og 40 ka insidente sa sunog kada adlaw sa tibuok bulan sa Disyembre nga may kalabutan sa paggamit sa paputok.
Matud niini, tindahan sa pabuto ang kasagaran diin natigayon ang maong insidente sa sunog.
Nasunog ang pipila ka tindahan sa pabuto sa nagkadaiyang luagr atol sa pagsaulog sa Bag-ong Tuig sa Pilipinas.
Base sa video nga gipaambit sa usa ka netizen, usa ka tindahan sa pabuto duol sa Sumulong Memorial Circle sa Barangay Dela Paz, Antipolo City ang nasunog.
Sumala sa iyang paghulagway, usa ka fireworks display matud ang hinungdan sa panghitabo tungod sa sunod-sunod nga pagsindi og pabuto ug fireworks nga gibaligya sa maong tindahan.
Sa laing insidente, nasunog usab ang usa ka baligyaan sa pabutosa Market Bulanao sa Tabuk City, lalawigan sa Kalinga, diin makita sa video ang dako nga kalayo nga misilaob uban sa pagbusikad sa mga fireworks nga nakapahimo sa mga tawo nga mopalagyo sa lugar.
Matud sa usa ka magbaligya, adunay nasalaag nga kwitis diin miigo sa usa ka stall ug hinungdan nga nadamay ang ubang pabuto.
Sa karon, ginahibalo pa kung adunay nasamdan sa duha ka insidente, samtang base sa datos sa Bureau of Fire Protection (BFP).