Upat ka mga residente sa Purok 8, Barangay Mabuhay, San Jose, Malaybalay City, lakip ang usa ka 9-anyos nga Grade 4 student, ang daling gipangdala sa Bukidnon Provincial Medical Center human kini malambigit sa usa ka shooting incident kagahapong adlawa takna alas 9:55 sa gabii.
Sumala ni PCPT. Sheila Joy P. Jangad, spokesperson sa Bukidnon Police Provincial Office, ang mga biktima naglangkob sa usa ka 45-anyos nga lalaki, usa ka 41-anyos nga babaye, usa ka 30-anyos nga lalaki, ug ang maong bata, kinsa pulos daling girespondehan sa Barangay Rescue Team ug kapulisan.
Saysay sa opisyal nga nagtambay matud pa ang mga biktima sa dihang nakadungog og buto apan wala nila kini takda hangtud nasayran na lamang nila nga naigo ang usa sa ilang kaubanan.
Gibutyag usab niini, ang mga biktima sa maong insidente sa Purok 8, Barangay Mabuhay, Malaybalay City, anaa na sa luwas ug stable nga kondisyon.
Ang unang biktima nakaangkon og samad sa iyang tuong bukton, samtang ang ikaduhang biktima naigo sa iyang liog o nape.
Ang ikatulong biktima nakasinati og samad sa wala nga bahin sa iyang sampot, ug ang ikaupat nga biktima, nga usa ka 9-anyos nga tinun-an, naigo sa iyang tuo nga paa.
Subay sa imestigasyon, aduna matud pay nareport nga nagkagubot ang ang usa sa mga biktima tali sa iyang silingan diin gitan-aw kini karun nga usa sa mga motibo sa maong panghitabo.
Sa pagkakaron padayon pang gipanubayan ang imbestigasyon samtang gipalig-on ang ebidensya sa pagsikop sa gitudlong Person Of Interest kon (POI) uban sa testimonya sa mga saksi sa maong insidente. Â