Patay ang upat ka tawo ug unom ang samdan human sa pagbinaylu-ay og pagpamusil ang Cuban coast guard ug usa ka US-registered speedboat sa territorial waters sa Cuba.
Nahitabo ang insidente dapit sa Cayo Falcones, Villa Clara, diin miduol ang Cuban patrol vessel aron i-check ang illegal nga speedboat.
Mi-una og pusil ang speedboat samtang nagpadulong ang patrol vessel, ug nasamdan ang commander sa Cuban vessel.
Ang mga biktima gi-evacuate dayon ug gihatagan og medical assistance.
Wala pa gipahibalo sa Cuba ang nasyonalidad sa mga sakay, ug wala dayon komentaryo ang US officials.
Ang insidente nagpadako sa tensiyon tali sa US ug Cuba, ug kasagaran nga may kalambigitan sa human o drug trafficking ang mga illegal nga pagsulod sa mga speedboat sa Cuba.