Upat ka mga tawo ang gikatahong namatay sa bag-o lang nahuman nga selebrasyon sa kapistahan sa Itom nga Nazareno, sumala sa taho sa National Capital Region Police Office (NCRPO).
Matud ni NCRPO Director Major General Anthony Aberin, bisan kon upat ang inisyal nga ihap sa mga namatay,padayon giapon ang kumpermsyon niini sa kapulisan. Usa sa mga namatay mao ang photojournalist nga si Ito Son, kinsa nakuyapan duol sa Quirino Grandstand sa wala pa magsugod ang prosesyon.
Ang maong police unit uban ang Jose Reyes Memorial Medical Center (JRMMC) nagtala usab og dugang ihap sa mga namatay atol sa kalihokan, apan ginasusi pa kon aduna bay pagkaparehas ang ilang mga datos.Ang Translacion karong tuiga giila nga pinakataas sa kasaysayan human kini nilungtad og 30 ka oras ug 50 ka minuto. Nagsugod ang pagbalhin sa imahe gikan sa Quirino Grandstand sa alas 4:00 sa buntag niadtong Enero 9 ug hingpit nga nakaabot sa Quiapo Church sa alas 10:50 sa buntag niadtong Enero 10.