Patay ang upat ka indibidwal sa pagdahili sa yuta sulod sa Gabule Compound, Sambulawan, Zone 1, Barangay Agusan, Cagayan de Oro City kagabii.
Unang narekober ang lawas sa magtiayo nga giilang si Paul ug Ruffa Lariosa nga namatay mismo sa lugar sa insidente.
Nadala pa sa hospital ang laing upat ka mga biktima human ma-rescue, apan wala na matabang sa mga doktor ang usa ka tuig ug 13 anyos nga bata, human silang gideklarang dead on arrival sa hospital.
Samtang anaa pa sa kritikal nga kahimtang ang laing duha ka biktima.
Sa pakighinabi sa Bombo Radyo Malaybalay kang Police Major Joann Navarro, tigpamaba sa Police Regional Office 10, gikumpirma niini nga adunay 11 ka bulan nga bata ug grade 3 student ang sa namatay gawas sa magtiayon sa natala nga casualties gumikan sa pagkuso-kuso sa bagyong basyang nga miresulta sa pagdahili sa yuta sa pipila ka lugar sa dakbayan nga nahimong sa pagkakalas sa kinabuhi sa pipila ka indibidwal.
Sa pagkakaron, siyam ka pamilya nga gilangkoban sa 118 ka indibidwal ang nagpasilong sa Barangay Gymnasium.
Busa hugot nga gipahimangnoan sa opisyal ang katawhan sa magmatngon og mosunod sa abiso sa lokal nga pagamhanan.
Samtang sa pikas bahin, gisaka sa full alert status ang tibuok pwersa sa Philippine National Police (PNP) Malaybalay sugod Pebrero 5, 2026, aron masiguro ang 24-oras nga kaandam sa banay sa kapulisan alang sa seguridad sa katawhan human gisuspende ang mga klase sa tanang tulunghaan sa dakbayan sugod kagahapong adlawa ug sa kasamtangan.
Padayon nga ginamonitor sa kapulisan ang lebel sa tubig sa mga creek ug kasapaan sulod sa Area of Responsibility sa tibuok lalwigan, ug gipakatap ang presensya sa kapulisan sa nagkadaiyang barangay, ilabi na sa bahaonon ug delikadong mga lugar.
Adunay hugot nga koordinasyon ang PNP Malaybalay sa CDRRMO, AFP, BFP, ug uban pang ahensya atol sa heightened alert.