Miabot na sa dul-an 9000 ka tao kon 3622 ka pamilya gikan sa 27 ka barangay ang apektado sa paghapak sa bagyong Basyang.
Base sa inisyal nga report gikan sa Department of Social Welfare and Development, kapin sa 5800 sa mga apektadong indibidwal kon 1,700 ka pamilya ang naghikling sa mga evacuation centers.
Muabot na usab ka 37 ka evacuation centers ang giablihan sa nagkadalain-laing lugar sa nasud.
Gilaoman nga mutaas pa ang ihap sa maong apektadong pamilya sa padayon nga pagkuso-kuso sa maong bagyo sa mga lugar sa nasud.
Nakaandam na usab ang P6.7 bilyon relief resources alang sa pagtubag sa gobyerno sa mga apektadong pamilya.
Samtang, matud ni Office of Civil Defense Spokesperson Junie Castillo, nakatala na og 4 ka kaswaltis og 3 ka naangol ang buhatan tungod sa paghapak sa bagyong Basyang sa Mindanao ug uban bahin sa Visayas.
Ang upat ng nakabsan sa kinabuhi gikan sa Cagayan De Oro City nga gikaingong usa ka pamilya diin lakip niini ang duha ka menor-de-edad ug ang mga ginikanan niini.
Aduna na usab inisyal nga report nga liboan na ka pamilya ang gikaingong displaced residence gikan sa mga lugar sa Mindanao.