Nasikop ang upat ka mga suspetsado human masapon sa akto nga nangawat og mga scrap iron daplin sa suba sa Purok 1, Libertad, Quezon, Bukidnon, kagahapong adlawa takna sa alas 4:50 sa hapon.
Ang maong mga puthaw gikan sa karaan nga tulay sa kagamhanan sa Quezon nga naguba tungod sa flash flood diin hapit napulo na ka tuig ang milabay.
Ang operasyon, nga gipangulohan ni PLTCOL Erwin Raiz Naelga uban sa koordinasyon sa mga opisyal sa Barangay Libertad, miresulta usab sa pagkasikop sa usa ka 44-anyos nga lalaki nga tag-iya sa usa ka Van, kinsa naabtan usab nga namalit sa maong mga kinawat nga puthaw.
Sa pagkakaron, ang lima ka mga dinakpan lakip na ang mga nakumpiskar nga ebidensya anaa na sa kustodiya sa Quezon Municipal Police Station alang sa tukmang disposisyon ug pagpasaka og kaso.