Makigbatok sa gold medal match sa ilang tagsa-tagsa ka dibisyon ang upat ka boksingero sa Pilipinas sa nagpadayon nga Southeast Asian (SEA) Games karong adlawa.
Lakip niini sila Eumir Marcial, Flint Jara, Jay Brian Baricuatro ug Aira Villegas nga giila isip last four Pinoy boxers.Atubangon nila Jara Baricuatro, ug Villegas ang mga boksingero sa host country nga Thailand.
Makig-atbang si Jara kang Thanarat Saengpet, usa ka gold medalist sa 2023 SEA Games; si Villegas makasangka kang Chutamat Raksat, nga silver medalist sa 2022 Asian Games ug 2024 Asian Championship; samtang si Baricuatro makigbatok kang Phlongaurai Thitiwat.
Samtang si Marcial makig-atbang kang Maikhel Muskita sa Indonesia, nga nakasakmit og gold medal sa 2021 SEA Games ug silver medal sa 2023 SEA Games.