Dunay upat ka importanteng elemento nga kinahanglang pamatud-an sa International Criminal Court (ICC) aron magpadayon ang kaso batok kang kanhi Presidente Rodrigo Duterte kalabot sa iyang kontrobersyal nga anti-drug policy.
Kini ang gibutyag ni Atty. Proculo T. Sarmen nga ang prosekusyon sa ICC kinahanglan nga makapakita og lig-on nga ebidensya base sa upat ka mga punto sama sa anti-drug policy, criminal intent, command responsibility isip pangulo ug ang iyang effective control sa mga nagpatuman niini.
Gipasabot niini nga bisan kon adunay substantial evidence sa maong pulisiya ang dakong debatihan mao ang criminal intent ug ang effective control sa kanhi presidente.
Gitumbok usab niini nga ang mga pamahayag ni Duterte kaniadto, lakip na ang iyang kaandam nga mabilanggo, mahimong gamiton isip ebidensya sa kaso.