Gitugyan sa usa ka kanhi miyembro sa New People’s Army (NPA) ang upat ka mga tag-as nga kalibre sa armas ngadto sa kapulisan sa Bukidnon atol sa usa ka ceremonial turn-over nga gipahigayon sa PNP-Bukidnon Headquarters, Barangay 7, siyudad sa Malaybalay karong adlawa, Pebrero 26, 2026.
Ang maong rebelde nakahukom nga mobalik na sa sabakan sa balaod ug mopuyo nga malinawon kauban ang iyang pamilya pinaagi sa Task Force Balik-Loob Program ubos sa Enhanced Comprehensive Local Integration Program (E-CLIP) sa gobyerno.
Mitambong sa maong kalihokan sila si Shella Marie Albarece isip representante sa DILG, 1Lt Danica Rose De Leon sa 8th Infantry Battalion sa Philippine Army, ug si PLtCol. Arce V. Yam-oc sa Bukidnon PPO aron saksihan ang pormal nga pag-itugyan sa maong mga kagamitang panggubat.