- Advertisement -
Landing sa balay tambalanan ang upat ka indibidwal, lakip ang duha ka menor de edad, human nagbangga ang duha ka motorsiklo sa Purok-4, Poblacion, gahapong adlawa, Marso 8 ning tuig.
Subay sa imbestigasyon sa Kitaotao Municipal Police Station, nahitabo ang insidente sa usa ka intersekshon diin ang usa ka Bajaj 125 nga gimanehoan sa usa ka 20-anyos nga walay lisensya mibangga sa wala nga bahin sa usa ka XRM 125.
Ang tanang biktima daling gidala sa MDRRMO ngadto sa Kibawe Provincial Hospital alang sa taensyong medikal, samtang ang mga sakyanan anaa na sa kustodiya sa kapulisan alang sa tukmang disposisyon.
- Advertisement -