Hugot nga gibarugan sa kamarabaha ang pagpasa sa nahabiling 36 ka priority measures ubos sa Legislative-Executive Development Advisory Council sa pag-abli sa sesyon karong Lunes, Enero 26, 2026.
Kini ang gibutyag ni House Majority Leader Sandro Marcos nga tinguha sa Kamarabaha nga mahuman ang mga balaod nga dunay direktang epekto sa pamilyang Pilipino.Ang mga nag-unang prayoridad naglakip sa Pag-amyenda sa Rice Tariffication Law, Universal Health Care Act ug ang pagpalig-on sa programang 4Ps, Pagpasar sa Anti-Political Dynasty bill, Party-list System Reform ug ang pagdili sa mga kabanay sa opisyal nga musulod sa mga kontrata sa gobyerno.
Matud ni Rep. Marcos, gikinahanglan ang double-kayod aron masiguro nga ang mga reporma sa agrikultura, edukasyon ug panglawas daling mabati sa katawhan. Kasamtangan 12 na sa 48 ka LEDAC bills ang hingpit nang napasar sa Kamarabaha.