35 katawo gipatay sa Nigeria bisan nakabayad na og ransom

Gipatay sa mga armadong grupo ang kapin 35 nilang bihag sa Nigeria.

Matod sa mga otoridad, gipadayon sa mga suspek ang pagpamatay bisan pa og nakabayad na og ransom ang mga biktima sa northern Zamfara.

Gibihag sa mga suspek ang 56 ka katao niadtong Marso gikan sa Banga village sa Kauran Namoda, diin nangayo sila og ransom nga tag-$655 kada usa aron buhian ang mga bihag.

Matud ni Local Government Chairman Manniru Haidara Kaura, kadaghanan sa mga biktima diin mga kabatan-onan.

Una nang gibuhian sa mga suspek ang 18 ka katao nga naglakip og 17 ka babaye ug usa ka batan-ong lalaki.

Padayon karon ang pagbantay ug pagpangita sa mga otoridad sa mga responsable sa maong krimen.