Nakauli na sa Pilipinas ang mga distressed ug stranded nga mga OFW gikan sa Riyadh, Saudi Arabia ug ubang bahin sa Middle East pinaagi sa government-chartered flight.
Mokabat sa 343 ka mga pasahero ang sakay sa maong flight, lakip ang 328 ka hamtong nga OFWs, 11 ka bata nga nag-edad og dos anyos pataas, duha ka bata ubos sa dos anyos, ug duha ka escort.
Ang maong flight kabahin sa lakang sa gobyerno sa pagpauli aron matabangan ang mga OFW nga apektado sa nagpadayong tensyon sa Middle East ug usa sa ikaduhang chartered flights karong semanaha, uban sa government-chartered flight nga nagkuha sa mga OFW sa Ninoy Aquino International Airport kon NAIA.
Sa pag-abot sa NAIA, gisugat gilayon ang mga OFW sa Department of Migrant Workers (DMW), Department of Health (DOH), Department of Social Welfare and Development (DSWD), Overseas Workers Welfare Administration (OWWA) ug uban pang partner agencies aron masiguro ang hapsay ug paspas nga proseso.
Ang mga OFW gihatagan usab og hinanaling tabang lakip na ang pagkaon ug ilimnon samtang naghulat sa pinansyal nga tabang, ug transportasyon ug hotel accommodation alang sa mga mamauli sa mga probinsya.
Ang mga repatriation operations kabahin sa Emergency Repatriation Fund sa OWWA ug usa ka whole-of-government approach.Â