Angol ang usa ka 33-anyos nga lalaki human ang gimanehoang motorsiklo nibangga sa usa ka pa ka Mitsubishi Strada nga motorsiklo sa Barangay Tankulan, Manolo Fortich, Bukidnon,kagahapong adlawa sa may alas-8:45 sa buntag.
Base sa imbestigasyon , naglawig sa sukwahi nga direksyon ang duha ka motorsiklo sa pag-abot sa dapit nga nahitaboan, kalit nga mikawat sa linya sa Strada ang motor hinungdan sa head-on collision nga miresulta sa pagkaguba sa duha ka sakyanan.
Gituohan sa kapulisan nga ubos sa impluwensya sa ilimnong makahubog ang drayber sa motor kinsa napakyas usab sa pagpakita og driver’s license sa panahon sa insidente.
Samtang ang biktima dali usab nga gidala sa balay tambalanan.
Sa pagkakaron ang drayber ug ang duha ka sakyanan gidala na sa Manolo Fortich MPS alang sa saktong disposisyon.