Mikabat sa 32 ang kumpirmadong patay samtang 64 ang nasamdan human nahugno ang usa ka construction crane ug miigo sa usa ka tren diin miresulta sa pagkatagak niini sa northeastern Thailand niadtong Miyerkules, Enero 14.
Sumala sa mga awtoridad, ang crane nga nagtrabaho sa usa ka construction site kalit lang natumba ug miigo sa paingoni nga tren hinungdan sa maong aksidente.
Daghang mga pasahero ang naipit sulod sa mga bagon ug girespondehan dayon sa mga rescue team. Sa kasamtangan ginaimbestigahan pa ang sa hinungdan sa pagkahugno sa crane.
Nagpadala na usab og tabang ang lokal nga gobyerno sa mga biktima ug ilang mga pamilya. Ang insidente nagbilin og dakong kasubo sa komunidad.
Padayon ang operasyon sa search and rescue aron masiguro nga walay laing biktima nga nabilin.