Kapin sa 30% sa kinatibuk-ang paggasto sa gobyerno ang nahimong pangbayad lamang sa utang sa nasud, imbes nga igahin sa mga kasamtangang proyekto.
Sumala sa datos gikan sa Freedom from Debt Coalition, masulob-anon nga dako nga bahin sa kwarta mapaingon lamang sa debt servicing.
Diin kung buot hunahunaon, kini matud pa nga pundo mamahimo pang magamit sa mas importanteng mga programa sama sa edukasyon, panglawas, ug modernong imprastraktura.
Gisaway usab niini ang Automatic Appropriations Law kansa nagmando matud pa nga ang mga pondo awtomatik nga igahin alang sa utang sa dili pa ang ubang mga galastuon.
Samtang sa 2026 national budget, kapin sa P1.9 trilyon usab ang gigahin alang sa debt service.
Matud pa sa Department of Budget and Management, kabahin kini sa estratehiya aron mamintinar ang fiscal sustainability ug makunhuran ang budget deficit.
Nagtuo usab ang grupo nga kinahanglang susihon pag-ayo ang balaod aron mahatagan og mas prayoridad ang serbisyong katilingbanon kaysa pangbayad sa utang gikan sa nangaging mga administrasyon.