Bisan pa man nga gi-aprubahan na sa Department of Budget and Management (DBM) ang 16,000 ka mga bag-ong posisyon alang sa mga magtutudlo, nagpabilin gihapon sa kapin 30, 000 ang kakulangon sa magtutudlo sa nasud.
Gipadayag ni Department of Education (DepEd) Undersecretary for Human Resources and Organizational Development, Willie Cabral nga ang maong 16,000 ka posisyon kabahin sa 20,000 nga teaching post nga gitakda karong tuiga.
Sumala sa gibasihan nga imbentaryo, ang datos miluwat og 56,000 ang ihap sa kakulangan sa mga magtutudlo niadtong 2024. Diin anaa sa 22,000 ang ilang nadawat nga posisyon ug 20,000 karong tuiga.
Gumikan niini, gisulti usab ni Cabral nga kon basihan ang teacher-student ratio, aduna pa gihapoy 30,000 nga kulang sa mga magtutudlo sa tibuok nasud.
Sa pagkakaron nagpadayon ang assessment sa DepEd kabahin sa maong isyu ug buot niini mangayo og dugang tabang gikan sa DBM aron mahatagan kini og pagtagad.