3 ka suspek nga nagpayuhot og illegal nga droga, sikop sa managlahing operasyon

Balhog sa bilangguan ang tulo ka mga suspek sa sunod-sunod nga buy-bust operation sa Bukidnon batok sa ilegal nga droga, niadtong milabyang adlaw ning kasamtangang tuig. 

Ang mga dinakpan usa ka 38-anyos sa Kitaotao, 25-anyos nga alias “Dodoy” sa Kibawe, ug 26-anyos sa Quezon, nga susamang giilang mga drug personality.

Sa operasyon, nakumpiska sa kapulisan ang mga sachet sa gidudahang shabu, mga cellphone, motorsiklo, ug buy-bust money. Ang kinatibuk-ang kantidad sa nasakmit nga droga minalor og  kapin Php 14,500.

Sa pagkakaron, giandam na ang kaso batok sa mga suspek tungod sa paglapas sa Sections 5 ug 11 sa Republic Act 9165 o Comprehensive Dangerous Drugs Act of 2002.