Nakita na ang 4-anyos nga bata sa Sitio Ligmon, human maanod sa Bunawan River sa Sitio Kulasuyan, Brgy. Capihan, Libona, Bukidnon pasado alas-5 sa hapon, Hunyo 22, 2025.
Una nang nakita ang patay lawas sa 12 anyos nga igsuon niini, samtang nakita usab ganinang buntag ang patayng lawas sa 8-anyos nga bata.
Sa pakighinabi sa Bombo Radyo Malaybalay, sa paryente sa mga biktima nga si Remelyn Aninao Bay, nakakuha siya og impormasyon diin kusog ang dagan sa motorsiklo ug nawad an sa preno, hinungdan nga nilahos kini sa spillway nga gibaha.
Lulan niini ang magtiayon nga sila Anna Teburcio ug Marlo Baclayon, ug ang ilang tulo ka anak.
Naluwas ang ginikanan, apan naanod ang mga bata.
Gisulayan pa sa pag luwas ang mga biktima sa nakasaksi niini apan wala na kini nahimo gumikan sa kakusog sa bul-og sa tubig sa maong suba.