3 ka journalists, patay sa gilusad nga Israel aistrike sa Lebanon

Gikondena ni Lebanese President Joseph Aoun ang insidente ug gitawag kini nga usa ka klarong krimen nga nakalapas sa internasyonal nga balaod, diin ang mga journalists kinahanglan panalipdan ilabina sa panahon sa gubat.

Gikumpirma sa militar sa Israel nga ilang gipatay si Ali Shoeib sa maong strike, apan ilang gi-akusahan nga siya usa ka myembro sa Hezbollah nga nagpaka-arun-ingnon lang nga journalist.

Ikaduha na kini nga higayon nga gi-akusahan ang Israel nga nag-target og mga journalists sa Lebanon sukad nagsugod ang gubat.

Sa nakalabayng semana, si Mohammad Sherri ug iyang asawa namatay usab human matud pa gi-target sa laing airstrike.