3 ka indibidwal, sikop sa usa ka anti-drug buy-bust operation sa Talakag, Bukidnon

Paslak sa bilanggoan ang tulo ka mga lalaki human nasikop sa gipahigayon nga drug buy-bust operation sa Purok 2, Barangay 3, Talakag, Bukidnon niadtong Marso 6, 2026.

Ang maong operasyon gipangunahan sa Talakag Municipal Police, kauban ang nagkalain-laing unit sa Bukidnon PPO, diin nakuha gikan sa mga suspek ang upat ka pakete sa gitouhang shabu.

Lakip sa mga nakumpiska mao ang buy-bust money nga ₱500.00, usa ka pitaka, sigarilyo, posporo, ug 38 ka mga sinsilyo.

Ang tanang nakuha nga droga duna’y gibug-aton nga 1.25 gramos ug mibalor og ₱8,500.00.