- Advertisement -
Nasikop ang tulo ka lalaki sa gipahigayon nga buy-bust operation sa Municipal Drugs Enforcement Unit (MDEU) sa Impasugong Municipal Police Station niadtong milabayng adlaw sa Purok 2, Brgy. Capitan Bayong, Impasugong, Bukidnon.
Ang mga dinakpan giila nga usa ka 54-anyos nga residente sa maong barangay, usa ka 57-anyos gikan sa Poblacion, Impasugong, ug usa ka 45-anyos nga residente sa Valencia City.
Nakuha gikan sa mga suspek ang mga ebidensya nga naglambigit kanila sa paglapas sa Section 5 ug 11 sa Article II sa RA 9165 o ang Comprehensive Dangerous Drugs Act of 2002. Sa pagkakaron, ang mga suspetsado anaa na sa kustodiya sa kapulisan alang sa tukmang pagpasaka og kaso sa korte.
- Advertisement -