Natandog ang mga kasingkasing sa daghang tawo human nakakita og nakabasa sa nag-viral nga istorya sa milagrosong pagkaluwas sa usa ka 3-anyos nga batang babaye nga nalakip sa mga nag-camping human sa usa ka kalit nga pagbaha sa Kerr County nga mikalas og kapin sa 100 ka kinabuhi.
Giila ang bata sa alyas “Dolly,” nga giingong nawagtang ug gikalimtan na ang paglaum sa iyang pagkakita samtang nagkakusog ang ulan ug nangitngit ang palibot.
Apan, sa ulahing bahin sa gabii, nakit-an siya sa mga rescuer ilawom sa nahugno nga payag, layo sa ilang balay, naputos sa lapok, nagkurog ug naghilak.
Uban niini ang usa ka basa nga iro nga wala maila.
Ang misteryosong iro, nga dili usab gipanag-iyahan sa bata ug wala mailhi sa silingan, nagpabilin sa iyang kiliran, diin nagtangag og kainit ug panalipod.
Matod sa mga emergency responders, ang maong iro pa ang nangita og masilungan alang sa bata ilawom sa payag.
Wala nasayran asa gikan ang iro, rason nga gitawag siya nga “guardian angel.”
Sa pagkakaron naka-recover na si Dolly, nagpuyo na ang iro uban kanila samtang ang komunidad nagtinabangay sa pag-atiman sa maong bayani.