Padayun nagapaalim ang 3 ka mga indibidwal human nga nagsugat ang dump truck og Toyota Vios niadtong alas 12:25 sa udto, adlawng Sabado, petsa 12, tuig 2025 sa Sayre Highway, Sitio Sana Ana, Barangay Poblacion, Impasugong, Bukidnon.
Base sa report ni PCOL Jovit L. Culaway, ang dump truck gikan sa Cagayan de Oro samtang ang Toyota Vios padulong CDO gikan sa Malaybalay.
Mi-counter flow matod pa ang Toyota Vios rason nga mibangga kini sa kasugat nga trak.
Gumikan sa maong panghitabo, naangol ang drayber sa Toyota ug ang iyang asawa lakip na ang anak niini nga menor de edad,rason nga gilayong gipangdala sa balay tambalanan ang mga biktima alang sa paghatag og atensyong medikal.
Sa pikas bahin, subling nagpahimangno ang kapulisan na hugot nilang ipatuman ang balaod trapiko ug magpadayon sa mga checkpoint alang sa kaluwasan sa mga motorista aron malikay sa susamang panghitabo.