Misaad ang 26 ka mga nasud nga magdeploy og mga sundalo sa Ukraine sa higayon nga makab-ot ang usa ka ceasefire deal tali kanila ug sa Russia.
Mao kini ang nahimong tubag sa mga nasud sa Uropa nga mitambong sa “Coalition of the Willing” summit sa France.
Matud ni French President Emmanuel Macron, andam kining magpadala og pwersa aron dili subling buhaton sa Russia ang pag-atake niini nga nagsugod niadtong 2022.
Nakahinabi usab niini ang Presidente sa US nga si Donald Trump, diin gikaingong andam usab ang US nga magpadala og mga sundalo.
Giawhag usab ni Trump ang European Union nga dili na sila mopalit og krudo gikan sa Russia.
Kahinumdoman nga si Trump adunay personal nga panag-panagpulong uban sa Presidente sa Russia nga si Vladimir Putin ingon man sa Presidente sa Ukraine nga si Volodymyr Zelensky aron ipasiugda ang pagtapos sa gubat tali sa duha ka mga nasud.