Nagtingkagol na karon sa selda sa kapulisan ang usa ka 25-anyos nga lalaki human kini nasikop sa gihimong buy-bust operation sa Purok 1, Barangay Old Kibawe, Kibawe, Bukidnon, niadtong Marso 31, 2026, pasado alas-9:30 sa gabii.
Ang suspetsado nailhang si alyas “Dodoy,” kinsa nakuhaan og 0.834 gramos nga gituohang shabu nga adunay standard drug price nga mobalor og ₱5,671.20.
Base sa report sa mga otoridad, gawas sa unom ka sachet sa gituohang ilegal nga droga, nakuha usab gikan sa posisyon sa suspetsado ang usa ka cellphone, aluminum foil strip, buy-bust money nga mobalor og ₱1,000, ug usa ka motorsiklo nga Raider Fi 150 nga walay plaka.
Sa pagkakaron, ang dinakpan ug ang tanang nakumpiskar nga ebidensya anaa na sa kustodiya sa Kibawe Municipal Police Station (MPS) alang sa saktong dokumentasyon. Giandam na usab ang kasong paglapas sa Article II, Sections 5 ug 11 sa Republic Act 9165 kon Comprehensive Dangerous Drugs Act of 2002 batok sa suspetsado, samtang ang mga ebidensya gipadala na sa Provincial Forensic Unit alang sa laboratory examination.