23-anyos nga lalaki, nasikop tungod sa ilegal nga sugal sa lungsod sa Dangcagan!

Nadakpan ang usa ka 23 anyos nga lalaki atol sa kampanya batok sa ilegal nga sugal sa P-7B, Brgy. Barongcot, Dangcagan, Bukidnon niadtong milabayng adlaw, human masapon sa akto nga nagdula og “Tong-its.”

Sumala sa Bukidnon Police Provincial Office, tulo pa ka laing suspetsado ang nakaikyas samtang nakumpiska sa operasyon ang mga baraha ug kuwarta nga pusta nga mikabat og P95.00.

Ang nadakpan nga indibidwal ug ang nakumpiskang mga ebidensya anaa karon sa kustodiya sa Dangcagan Municipal Police Station alang sa tukmang proseso.