22 ka reams sa smuggled nga sigarilyo, nakumpiska sa lungsod sa Manolo Fortich

Nakumpiska sa lungsod sa Manolo Fortich smuggled nga sigarilyo diin nagkantidad og kapin P17,000 atol sa gilusad nga operasyon sa kapulisan.

Lakip sa mga nakuha mao ang nagkalain-laing brand sa sigarilyo nga mikabat sa 22 ka reams uban sa gibanabana nga market value nga P17,600.

Ang nadakpang indibiwal ug ang nakumpiskang smuggled nga sigarilyo karon anaa sa kustodiya sa Manolo Fortich MPS alang sa dokumentasyon.

Human niini, iturn-over ang mga nakumpiska ngadto sa Municipal Health Office sa Manolo Fortich, Bukidnon alang sa hustong disposisyon.