Gibutyag sa Office of the Civil Defense–Region X nga mukabata na sa 202 ka barangay, 25,011 ka pamilya, ug 78,834 ka indibidwal ang apektado sa Northern Mindanao tungod sa Bagyong Basyang niadtong Pebrero 5 ug 6, nga mipugos sa suspensyon sa klase ug nakabalda sa pipila ka mga batakang serbisyo.
Sa pakighinabi sa Bombo Radyo Malaybalay kay OCD-10 Director Antonio B. Sugarol, na matod pa gikansela ang klase sa daghang LGU sa rehiyon niadtong Huwebes ug Biyernes, samtang lima ka karsada ug duha ka tulay ang dili malabyan, ilabi na sa Cagayan de Oro.
Dunay usab LGU sa Camiguin nga padayon ang power restoration, 12 ka flight ang nakansela sa Laguindingan Airport, ug usa ka LGU ang wala pa hingpit marestore ang internet. Sa kinatibuk-an, 18 ka balay ang gikataho nga partially o totally damaged, samtang nagpadayon ang monitoring ug restoration operations sa rehiyon.