200 thousand ka mga benifaciaries ang apektado human gitangtang ang AKAP sa Department of Social Welfare and Development kon DSWD.
Sa pakighinabi sa Bombo Radyo Malaybalay kang Rosheil M. Galia, Regional Information officer sa DSWD Region10, gibutyag niini nga ang Ayuda sa Kapos ang Kita (AKAP) Program wala nay pondo karong 2026, apan ang mga serbisyo sa medical ug burial assistance padayon gihapon pinaagi sa AICS Program.
Dugang pa niini nga daghang programa sa DSWD ang nagpadayon sama sa 4Ps, Sustainable Livelihood Program, Kalahi-CIDSS, ug bag-ong mga programa sama sa Walang Gutom Program ug Tara, Basa! Program, nga nagtabang sa edukasyon sa mga estudyante.
Gisaysay usab nga ang AKAP gisulayan lamang sa pilot-testing ug positibo ang epekto niini, labi na sa mga pamilya nga nagkinahanglan og dinaliang tabang sa medikal ug burial.