20-anyos nga drayber, patay human naaksidente sa Baungon, Bukidnon

Patay ang usa ka 20-anyos nga lalaki human nakaksidente sa motorsiklo sa Purok 1, Barangay Imbatug, Baungon, Bukidnon niadtong milabay nga gabii.

Base sa inisyal nga imbestigasyon sa kapulisan, nagbiyahe ang biktima paingon sa habagatang bahin sa provincial road. Apan pag-abot niini sa usa ka kurbadahon nga bahin sa dalan, nawad-an kini og kontrol sa iyang motorsiklo hinungdan nga nalagpot kini ug nabangga sa usa ka concrete flower box daplin sa kalsada.

Gidala pa ang biktima sa balay tambalanan, apan gideklarar na kini nga dead on arrival. Sa pagkakaron, nagpadayon pa ang imbestigasyon sa mga otoridad aron masuta ang tinuod nga hinungdan sa maong trahedya.