Duha ka ka patay’ng lawas ang narekober ug kapin 70 ka tawo ang missing human naunlod ang usa ka kahoy nga barko nga nagdala og 105 ka pasahero sa tubig nga kontrolado sa Libya.
Kini sumala sa Mediterranea Saving Humans. Ang maong barko milayag matud gikan sa Tajoura sa amihanan-kasadpan sa Libya aron muikyas sa nasud.
Ang trahedya nahitabo Sabado sa hapon ning bulan, diin 14 nautical miles sa amihanan-sidlakan sa Bouri oil platforms, sa baybayon sa Mediterranean Sea.
Duha ka merchant ships ang misalmot sa rescue operation, diin usa niini nakaluwas og 32 ka tawo ug nakarekober og duha ka lawas.
Ang mga nakalingkawas ug ang patay’ng mga lawas gidala sa Lampedusa, habagatan sa Italy, niadtong Domingo sa buntag.
Samtang ang ubang pasahero hangtod karon gikatahong missing pa sa lawod.