Mag-atubang og kaso ang 2 ka mga watchers gumikan sa kalapasan sa Election offense ubos sa Republic Act 881, Section 261. Nasakpan ang duha ka watchers nga nag-shade sa balota sa ubang botante human kini mag-viral online.
Subay sa maong balaod, mamahimong mapriso sulod sa 1 hangtud 6 ka katuig nga walay pyansang gipamtang ang mga nahisgutan.
Kabahin niini, posible sab nga di na tugutang makabotar pa ang mga nahisgutan ug mawalaan og katungod nga magpapili sa bisan usang posisyon.
Sumala ni Comelec Chairman, George Erwin Garcia, gilayong gipapahawa sa polling precinct ang duha ka watcher gumikan sa maong panghitabo.
Dugang pa niini, walay katungod nga mutabang sa pagbotar o pagshade sa balota ang mga delegated watchers, apan ang mga miyembro lamang sa electoral board.