Hingpit nang gitangtang sa serbisyo ang duha ka opisyal ug lima ka pulis sa Police Regional Office 10 human mapamatud-an nga sad-an sa kasong Grave Misconduct.
Lakip sa mga natangtang sa nahisgutan ang usa ka Police Major, Police Captain, Police Staff Sergeant, ug upat ka Police Corporal.
Kini kabahin sa silot nga atubangon sa gibuhat nga kalapasan, lakip na ang pagkansela sa mga eligibility, mga benepisyo sa pagretiro, ug gipahamtang ang tibuok kinabuhi nga diskwalipikasyon sa pagbalik sa bisan unsang posisyon sa gobyerno.
Aduna usab dugang kaso sa maong reklamo ang gisang-at sa Human Rights Groups nga adunay kalabotan sa gikaingong sayop nga pagdakop sa mga indibidwal nga dili tinuod nga suspek, nga gitawag nga mga “fall guys,” sa insidente sa robbery sulod sa Gaisano Mall sa Ozamiz City.