2 ka tigpayuhot og illegal nga droga sa San Fernando Bukidnon, dakpan sa kapulisan!

Nasikop ang duha ka mga lalaki nga nagpangedaron og 44 ug 22 anyos, kinsa parehong giila nga mga “newly identified drug personalities,” atol sa hiniusang drug buy-bust operation sa kapulisan nga gipahigayon sa Purok 1, Barangay Halapitan, San Fernando, Bukidnon kagahapong adlawa.

Ang maong operasyon, nga gipangunahan sa San Fernando Municipal Police Station ubos ni PMAJ Kevin P. Bangsoy, miresulta sa pagkakumpiska sa gitouhang shabu nga duna’y gibug-aton nga 0.43 gramo ug gibana-bana nga balor og Php2,924.00.

Lakip sa mga ebidensya nga nakuha gikan sa mga suspek mao ang buy-bust money, usa ka cellular phone, ug usa ka blue Yamaha Sniper 150 nga motor nga gigamit sa ilang ilegal nga kalihokan.