2 ka motorsiklo sa lungsod sa Maramag nagkarambola, drayber ug angkas samdan!

Nakaangkon og samad sa lawas ang 61-anyos nga babayeng drayber sa usa ka motorsiklo human mabangga sa laing motorsiklo sa Purok 6A, Barangay Anahawon, Maramag kagahapong adlawa takna alas 6:10 sa gabii.

Sumala sa imbestigasyon, ang motorsiklo nga gimanehoan sa 25-anyos nga lalaki gikan sa Valencia City kalit misulod sa lane sa laing motorsiklo nga anaa sa unahan, hinungdan sa maong panagbangga.

Tungod sa impact, natumba ang duha ka motorsiklo ug natagak ang ilang mga drayber, samtang ang babaye nakaangkon og samad ug ang lalaki minor injuries lamang.

Ang babayeng drayber gidala sa Bukidnon Provincial Hospital – Maramag alang sa tambal, samtang ang mga motorsiklo gidala sa Maramag Municipal Police Station alang sa hustong disposisyon.