Pormal nang gibasura sa House of Representatives ang duha ka impeachment complaints batok kang Presidente Ferdinand “Bongbong” Marcos Jr. human sa dako nga botasyon nga 284-8-4 kagahapong adlawa Martes, Pebrero 10.
Ang maong botasyon nilapas sa gikinahanglang “one-third vote” aron suportahan ang report sa House Committee on Justice, nga nagpasabot nga ang mga reklamo “sufficient in form” apan “insufficient in substance” o kulang sa igong basehan.
Gipresentar ni Committee Chair Rep. Gerville “Jinky” Luistro ang rekomendasyon sa plenaryo, diin hingpit nga nalimpyohan ang ngalan sa Presidente sa mga akusasyon nga gipasaka batok kaniya. Ubos sa balaod, dili na mahimong pasakaan og laing impeachment complaint ang Presidente sulod sa usa ka tuig sugod karong adlawa.