2 ka bulan nga toll discount alang sa mga bus, PUVs, ug dagkong trak, ipatuman sa DOTr

Magpatuman ang Department of Transportation (DOTr) og duha ka buwang toll discount para sa mga Public Utility Vehicle (PUV), bus, ug trucks sugod Marso 23 hangtod Mayo 22.

Kini ipahigayon pinaagi sa senimana nga rebate alang sa mga sakyanang adunay RFID aron maminusan ang gasto sa taas nga presyo sa lana.

Lakip sa makabenepisyo ang mga jeepney (Class 1), bus (Class 2), ug trucks (Class 3).

Ang jeepney makatigom hangtod ₱18 matag biyahe, samtang ang bus hangtod ₱47, ug ang truck hangtod ₱72. Ang rebate direkta i-credit sa RFID accounts sama sa Easytrip.

Kinahanglan magparehistro una sa LTFRB kon dili apil sa ubang toll discount programs aron makakuha sa benepisyo.