Girekomenda sa Office of Public Counsel for Victims kon (OPCV) sa International Criminal Court (ICC) ang duha ka bag-ong eksperto sa neuropsychology aron mahimong kabahin sa panel nga mosusi sa kahimsog sa pangisip ug panglawas ni kanhi Pangulong Rodrigo Duterte, aron matino kung angay ba siyang muatubang sa pagdungog.
Gisulti ni Paolina Massidda, Principal Counsel sa OPCV, nga ang duha ka eksperto adunay igong kahanas ug kasinatian, ug gipili base sa ilang kwalipikasyon ug abilidad, lakip na ang kahanas sa english ug sa lingwahe nga gigamit sa naunang medical findings ni Duterte.
Ang ICC kaniadto nagtudlo og tulo ka miyembro sa panel, usa ka forensic psychiatrist, usa ka neuropsychologist, ug usa ka eksperto sa geriatric ug behavioral neurology apan nihangyo ang kampo ni Duterte nga tangtangon ang usa sa mga eksperto tungod sa kakulang sa kasinatian ug posibleng kakulang sa impartiality.
Busa, gimado sa Pre-Trial Chamber I ang Registry nga magsumite og bag-ong shortlist sa mga neuropsychology experts, ug giinsistir sa OPCV nga kinahanglan adunay neuropsychologist sa panel aron masiguro ang patas nga pag-eksamin sa kahimtang sa kanhing pangulo.