Patay ang duha ka Indonesian United Nations (UN) Peacekeepers human sa nahitabong pagpamomba sa habagatang bahin sa Lebanon.
Sumala sa United Nations Interim Force in Lebanon (UNIFIL), ang mga biktima anaa sulod sa usa ka sakyanan sa dihang kalit lamang kining naigo sa usa ka kusog nga pagbusikad.
Samtang, samaran usab ang duha pa ka laing mga kaubanan niini diin gidala gilayaon sa labing duol nga tambalanan alang sa atensyong medikal.
Gikumpirma sa UNIFIL nga kini na ang ikaduhang makalilisang nga insidente nga nahitabo sulod lamang sa 24 ka oras, butang nga mas nakapasamot sa kabalaka sa seguridad sa maong rehiyon.
Kahinumduman nga niadtong Domingo sa gabii, usa usab ka Indonesian peacekeeper ang nakabsan og kinabuhi human maigo sa usa ka missile ang gikahimutangan niini sa Adchit Al Qusayr sa southern Lebanon. Magpahigayon na og imbestigasyon ang UNIFIL kabahin sa maong insidente.